وزیر اعظم عمران خان سے ترک صدر طیب اردوان کا ٹیلیفون پر رابطہ


گفتگو میں باہمی دل چسپی کے امور پر تبادلہ خیال کیا گیا۔ فوٹو، فائل

 اسلام آباد: وزیر اعظم پاکستان عمران خان اور ترک صدر رجب طیب اردوان کے مابین ٹیلی فون پر رابطہ ہوا ہے جس میں دونوں رہنماؤں نے ایک دوسرے کو عید الاضحی کی مبارک باد دی۔

وزیر اعظم کے دفتر سے جاری ہونے والی ٹوئٹ کے  مطابق وزیر اعظم عمران خان کو ترک صدر رجب طیب اردوان نے ٹیلی فون کیا۔ اس دوران ہونے والی گفتگو میں باہمی دل چسپی کے امور پر تبادلہ خیال ہوا اور دونوں رہنماؤں نے ایک دوسرے کو عید الاضحی کی مبارک باد بھی پیش کی اور ایک دوسرے کے عوام کے لیے نیک خواہشات کا اظہار کیا۔

اس موقعے پر وزیرا عظم پاکستان عمران خان نے دونوں ممالک کے مابین تمام شعبوں میں باہمی تعاون بڑھانے کے عزم کا اظہار کیا اور عالمی وبا سے نمٹنے کے لیے ترکی کے کردار کو سراہا۔ علاوہ ازیں انہوں ںے ترکی صدر طیب اردوان کو استنبول میں آیا صوفیہ کی تاریخی عمارت کو مسجد کے طور پر بحال کرنے پر مبارک باد بھی پیش کی۔





Source link

Leave a Reply

Your email address will not be published. Required fields are marked *