دنیا بھرمیں پہلی بار ایک دن میں کورونا کے 4 لاکھ نئے کیسز کا ریکارڈ قائم


کورونا کے روزانہ کی بنیاد پر نئے کیسز کا عالمی ریکارڈ ٹوٹ گیا، فوٹو: فائل

عالمی سطح پر پہلی بار ایک دن میں کورونا وائرس کے نئے 4 لاکھ نئے کیسز سامنے آئے ہیں اور سب سے زیادہ کیسز یورپی ممالک میں دیکھے گئے ہیں۔

عالمی خبر رساں ادارے کے مطابق یورپ، بھارت، برازیل اور امریکا میں نئے کیسز میں ریکارڈ اضافہ ہونے کے باعث دنیا بھر روزانہ کی بنیاد پر سامنے آنے والے کیسز کا نیا ریکارڈ قائم ہوا ہے۔ گزشتہ روز دنیا بھر میں پہلی بار 4 لاکھ نئے کیسز سامنے آئے ہیں۔

کورونا وبا کی دوسری لہر میں سامنے آنے والے نئے کیسز میں 34 فیصد یورپی ممالک سے ہیں جہاں روزانہ دس لاکھ کیسز سامنے آ رہے ہیں اور اب تک مجموعی تعداد 70 لاکھ سے زیادہ ہوگئی ہے جب کہ اس موزی وائرس سے ہلاک ہونے والوں کی تعداد 25 لاکھ 44 ہزار سے تجاوز کرگئی ہے۔ یورپ میں زیادہ تر برطانیہ، فرانس، روس اور اسپین متاثر ہوئے ہیں۔

کورونا وبا سے دنیا بھر میں سب سے زیادہ متاثر ہونے والا ملک امریکا ہے جہاں اس وائرس سے متاثر ہونے والوں کی تعداد 1 کروڑ 85 لاکھ اور 92 ہزار ہوگئی ہے جب کہ گزشتہ روز 1 لاکھ 45 ہزار نئے کیسز سامنے آئے ہیں۔ اسی طرح بھارت، فرانس، اسپین اور برازیل میں یومیہ 70 ہزار سے زائد نئے کیسز سامنے آئے ہیں۔





Source link

Leave a Reply

Your email address will not be published. Required fields are marked *