آئی سی سی نے شاہین آفریدی کو اہم اعزاز دے دیا


انٹرنیشنل کرکٹ کونسل (آئی سی سی) نے قومی ٹیم کے فاسٹ بولر شاہین شاہ آفریدی کو اہم اعزاز سے نواز دیا۔

تفصیلات کے مطابق قومی ٹیم کے فاسٹ بولر شاہین شاہ آفریدی کو ٹی 20 ورلڈ کپ میں بھارت کے خلاف میچ میں شاندار کارکردگی کا صلہ مل گیا۔

انٹرنیشنل کرکٹ کونسل نے شاہین شاہ آفریدی کی ویڈیو شیئر کی جس میں ان کی گیند پر بھارتی اوپنرز روہت شرما، کے ایل راہول اور ویرات کوہلی کو آؤٹ ہوتے دکھایا گیا ہے۔

آئی سی سی نے شاہین آفریدی کو شاندار بولنگ پر ’پلے آف دی ٹورنامنٹ‘ کے اعزاز سے نوازا۔

واضح رہے کہ ٹی 20 ورلڈ کپ کے اہم میچ میں روایتی حریف بھارت کے خلاف شاہین شاہ آفریدی نے شاندار بولنگ کرتے ہوئے تین وکٹیں حاصل کی تھیں۔

فاسٹ بولر کو شاندار کارکردگی پر میچ کا بہترین کھلاڑی قرار دیا گیا تھا، ٹی 20 ورلڈ کپ کے پہلے میچ پاکستان نے بھارت کو 10 وکٹوں سے عبرتناک شکست دی تھی۔

اس سے قبل آئی سی سی نے شاہین شاہ آفریدی کی ویڈیو کو فروخت کے لیے این ایف ٹی پر بھی پیش کیا تھا۔

Comments





Source link

Leave a Reply

Your email address will not be published.