حکومت کی 22 بل ایک ساتھ منظور کرانے تیاری


اسلام آباد : بڑی قانون سازی کے لیے پارلیمنٹ کامشترکہ اجلاس آج ہوگا، حکومت نے آج 22 بل ایک ساتھ منظور کرانے تیاری کرلی ہے ، جس میں ای وی ایم اور اوورسیز پاکستانیوں کو ووٹ کا حق دینے کے بل شامل ہیں۔

تفصیلات کے مطابق بڑی قانون سازی کے لیے پارلیمنٹ کامشترکہ اجلاس آج دن بارہ بجے شروع ہوگا، جس میں الیکشن اصلاحات،اووسیزپاکستانیوں کو ووٹ کا حق اور الیکٹرانک ووٹنگ مشین سے متعلق بل بھی پیش کئے جائیں گے۔

ذرائع نے بتایا ہے کہ حکومت نے بائیس بل ایک ساتھ منظور کرانے کی حکمت عملی تیارکرلی جبکہ آٹھ بلز پر مختلف ترامیم پیش کی جائیں گی، خواتین کے حقوق کے تحفظ کیلئے قانون سازی قومی کے علاوہ کئی دوسرے زیر التو بل بھی ایجنڈا کا حصہ ہیں۔

اجلاس کے لیے پارلیمنٹ ہاؤس اوراطراف میں خصوصی حفاظتی اقدامات کئے گئے ہیں، وزرا سمیت ارکان پارلیمنٹ کے مہمانوں کے داخلے پر پابندی عائد ہے ، ارکان کے لیے پارلیمنٹ لاجز، گورنمنٹ ہاسٹل اورپارلیمنٹ ہاؤس کے درمیان شٹل سروس چلائی جائے گی جبکہ ارکان کے سیکورٹی گارڈز پر پارلیمنٹ ہاوس میں داخلے پر بھی پابندی ہوگی۔

گذشتہ روز وزیراعظم سے ارکان پارلیمنٹ،حکومتی قانونی ٹیم اوراتحادیوں کی ملاقاتیں ہوئیں تھیں ، جس میں ایم کیوایم نے مشترکہ اجلاس میں بلوں پر حمایت کی یقین دہانی کرائی تھی جبکہ وزیراعظم نے ارکان کومشترکہ اجلاس میں حاضری یقینی بنانے کی بھی ہدایت کی تھی۔

پارلیمنٹ ہاؤس کی راہداری میں صحافی کے سوال پر وزیر اعظم کا کہنا تھا کہ اسپورٹس مین ہمیشہ جیت کے لیے میدان میں اترتا ہے۔

یاد رہے اے آر وائی نیوز کے پروگرام الیونتھ آور میں وزیراطلاعات فوادچوہدری نے گفتگو کرتے ہوئے کہا تھا کہہمارےنمبرپورےہیں اسی لیےحکومت میں ہیں، ہم اوورسیزپاکستانیوں کوووقت کاحق دیناچاہتےہیں۔

فواد چوہدری کا کہنا تھا کہ وزیراعظم عمران خان مشترکہ اجلاس میں شرکت کریں گے، چاہتےہیں اپوزیشن اورالیکشن کمیشن کی تجاویزبل میں شامل کریں، پارلیمنٹ قانون بنالے گی توتمام ادارے اس کے پابند ہوں گے۔

Comments





Source link

Leave a Reply

Your email address will not be published. Required fields are marked *