ورلڈ ٹی ٹوئنٹی میں آؤٹ آف فارم نظر آنے والے حسن علی سب سے آگے نکل گئے


بنگلادیش کیخلاف پہلے ٹی ٹوئنٹی میچ میں حسن علی نے تین وکٹیں حاصل کیں اور میچ کے بہترین کھلاڑی قرار پائے۔ پاکستان نے یہ میچ 4 وکٹوں سے جیتا— فوٹو: پی سی بی

ورلڈ ٹی ٹوئنٹی میں آؤٹ آف فارم نظر آنے والے  پاکستان کرکٹ ٹیم کے فاسٹ بولر حسن علی سال 2021 میں سب سے زیادہ انٹرنیشنل وکٹیں حاصل کرنے والے  بولر بن گئے اور دیگر تمام بولرز کو پیچھے چھوڑ دیا۔

حسن علی نے تینوں فارمیٹس (ٹیسٹ ، ون ڈے، اور ٹی ٹوئنٹی) میں اس سال مجموعی طور پر  64 وکٹیں حاصل کی ہیں۔

بنگلادیش کیخلاف پہلے ٹی ٹوئنٹی میچ میں حسن علی نے تین وکٹیں حاصل کیں اور میچ کے بہترین کھلاڑی قرار پائے۔ پاکستان نے یہ میچ 4 وکٹوں سے جیتا۔

اس کے علاوہ پاکستان کے شاہین شاہ آفریدی نے رواں برس اب تک 62 اور سری لنکا کے چمیرا نے 50 وکٹیں حاصل کی ہیں۔

جنوبی افریقی بولر طبریز شمسی نے بھی اس سال 50 انٹرنیشنل وکٹیں حاصل کی ہیں۔



Source link

Leave a Reply

Your email address will not be published.