کام تیز کیا جائے گا تاکہ نسلہ ٹاور کو جلد از جلد گرا دیا جائے: کمشنر کراچی


نسلہ ٹاور گرانے کا کام شروع کیا گیا تھا تاہم حفاظتی اقدامات نہ ہونے کی وجہ سے کام روک دیا گیا تھا: محمد اقبال میمن۔ فوٹو: فائل
نسلہ ٹاور گرانے کا کام شروع کیا گیا تھا تاہم حفاظتی اقدامات نہ ہونے کی وجہ سے کام روک دیا گیا تھا: محمد اقبال میمن۔ فوٹو: فائل

کمشنر کراچی محمد اقبال میمن کا کہنا ہے کہ سپریم کورٹ کے احکامات پر عمل کرتے ہوئے نسلہ ٹاور کو گرانے کا کام تیز کر دیا جائے گا۔

چیف جسٹس پاکستان جسٹس گلزار احمد نے سپریم کورٹ کراچی رجسٹری میں سماعت کے دوران نسلہ ٹاور گرانے سے متعلق کمشنر کراچی کی رپورٹ پر برہمی کا اظہار کرتے ہوئے انہیں حکم دیا تھا کہ ابھی جاؤ اور سارے شہر کی مشینری اور اسٹاف کے ساتھ نسلہ ٹاور گرا دو۔

سپریم کورٹ کے حکم پر عمل کرتے ہوئے کمشنر کراچی فوری طور پر شارع فیصل پر واقع نسلہ ٹاور پہنچے اور میڈیا سے بات کرتے ہوئے کہا کہ نسلہ ٹاور گرانے کا کام شروع کیا گیا تھا تاہم حفاظتی اقدامات نہ ہونے کی وجہ سے کام روک دیا گیا تھا، سپریم کورٹ کا بھی یہی حکم تھا کہ جان و مال کا نقصان نہ ہو۔

ان کا کہنا تھا کہ نسلہ ٹاور کی دسویں منزل توڑ دی گئی ہے جبکہ گیارہویں منزل پر کام شروع ہے، سپریم کورٹ نے کہا ہے کہ نسلہ ٹاور گرانے کا کام تیز کیا جائے۔

کمشنر کراچی نے ہدایت کی کہ اب اس کو اسپیڈ اپ کیا جائے گا تاکہ جلد از جلد گرا دیا جائے، نسلہ ٹاور کو اندر سے ٹوڑنے کا کام جاری ہے جبکہ باہر سے ٹوڑنے کا کام آج شام شروع کیا جائے گا، سامان پہنچا دیا گیا ہے۔

محمد اقبال میمن کا کہنا تھا کنفیوژن تھی کہ کنٹرول ڈیٹونیشن سے گرایا جائے لیکن اب کنفیوژن دورہو گئی ہے، اب نسلہ ٹاور کو روایتی طریقے سے مزدور اور مشینیں لگا کر تو ڑا جائے گا اور بہت جلد نسلہ ٹاور کو گرا دیا جائے گا۔



Source link

Leave a Reply

Your email address will not be published. Required fields are marked *