‘گھریلو استعمال کے لیے سلنڈر گیس کی طرف جانا ہوگا’ –


اسلام آباد: سیکریٹری پیٹرولیم نے شہریوں کو خبردار کیا ہے کہ دنیا میں پائپ لائن کے ذریعے گیس فراہمی کا تصور ختم ہو رہا ہے، ہمیں بھی گھریلو استعمال کے لیے سلنڈر گیس کی طرف جانا ہوگا۔

تفصیلات کے مطابق سیکریٹری پیٹرولیم کا کہنا ہے کہ پڑوسی ملک بھارت میں بھی پائپ لائن گیس کی حوصلہ شکنی ہو رہی ہے، یہ تصور اب دنیا میں ختم ہو رہا ہے، ہمیں بھی اس کے خاتمے کی طرف جانا ہوگا۔

انھوں نے بتایا پاکستان میں 28 فی صد آبادی کو پائپ گیس ملتی ہے، جب کہ 72 فی صد آبادی سلنڈر سمیت متبادل ذرائع استعمال کرتی ہے۔

سیکریٹری پیٹرولیم نے کہا اس بار ہمیں کہا گیا ہے کہ فرنس آئل کھلا خریدیں، فرنس آئل بجلی پیدا کرنے کے لیے آئی پی پیز کو دے دیا ہے، فرنس آئل آج کل ایل این جی کے سپاٹ کارگو سے سستا ہے۔

نئے سال پر گیس کی قیمت میں 400 فیصد اضافےکا نیا بم گرنے والا ہے، شہباز شریف کا انتباہ

سیکرٹری پیٹرولیم کے مطابق ملک میں اتنا فرنس آئل آ چکا ہے کہ اب اسٹوریج کپیسٹی بھی ختم ہو گئی ہے۔

واضح رہے کہ ابھی سردیاں شروع نہیں ہوئی ہیں اور شہروں میں گیس کی غیر اعلانیہ لوڈشیڈنگ کا سلسلہ شروع کر دیا گیا ہے، کراچی کے مختلف علاقوں میں صبح کے اوقات میں گیس کی فراہمی معطل کر کے شہریوں کو شدید اذیت میں مبتلا کیا جاتا ہے۔

Comments





Source link

Leave a Reply

Your email address will not be published. Required fields are marked *