’خونی گنے کے جوس‘ کی فروخت، ویڈیو وائرل –


موسم گرما میں تپتی دھوپ کے دوران اگر آپ گھر سے باہر سڑک پر ہوں، اور ایسے میں آپ کو گنے کے جوس کا اسٹال دکھائی دے جائے، تو آپ یقیناً اس کی طرف دوڑ پڑیں گے۔

لیکن اگر آپ کو زرد گنے کے جوس کی جگہ سرخ رنگ کا خونی جوس پیش کیا جائے تو آپ کو کیسا لگے گا؟

بھارتی ریاست اتر پردیش کے شہر غازی آباد کے شہری آج کل اسی الجھن کا شکار ہیں، غازی آباد میں ’خونی گنے کا جوس‘ بیچنے والا ایک شخص بے حد مقبول ہورہا ہے۔

مذکورہ جوس والے کی ایک ویڈیو سوشل میڈیا پر بے حد وائرل ہورہی ہے جو خون جیسا سرخ مشروب خون جمع کرنے والی تھیلی میں ڈال کر فروخت کر رہا ہے۔

دراصل یہ دکاندار گنے کے جوس میں پودینے اور چقندر کا جوس ملاتا ہے جس کی وجہ سے یہ ایک سرخ رنگ کا مشروب بن جاتا ہے، یہ دیکھنے میں تو بہت عجیب لگتا ہے لیکن نہایت ذائقہ دار ہے۔





سوشل میڈیا پلیٹ فارمز پر اس ویڈیو کو 22 گھنٹوں میں 74 ہزار سے زائد افراد نے دیکھا اور مختلف تبصرے کیے۔

کچھ افراد نے اس جوس کو پینے کا ارادہ ظاہر کیا جبکہ کچھ نے گنے کے جوس میں اس قسم کی ملاوٹ پر ناپسندیدگی کا اظہار بھی کیا۔

Comments





Source link

Leave a Reply

Your email address will not be published. Required fields are marked *