سابق انگلش کپتان کورونا میں مبتلا


انگلش کرکٹ ٹیم کے سابق کپتان مائیکل وان کورونا وائرس کا شکار ہوگئے۔

سابق انگلش کپتان مائیکل وان نے سماجی رابطے کی ویب سائٹ ٹویٹر پر اپنے کورونا وائرس میں مبتلا ہونے کی تصدیق کی۔

مائیکل وان نے اپنا پیغام ایشیز کے ہیش ٹیگ کے ساتھ شیئر کیا اور کورونا کی وجہ سے آسٹریلیا جانا موخر ہونے پر مایوسی کا اظہار کیا۔

سابق انگلش کپتان نے اپنے پیغام میں کہا کہ مثبت کورونا ٹیسٹ کے باعث مجھے آسٹریلیا کے لیے اپنی پرواز اگلے ہفتے تک موخر کرنا پڑی ہے جو مایوس کن ہے۔

انہوں نے مزید کہا کہ کم از کم اس دوران میں برسبین میں چند دن بارش سے بچا رہوں گا۔

انگلش کرکٹ ٹیم کے سابق کپتان نے بیماری سے صحتیابی کے بعد کی صورتحال کے حوالے سے کہا کہ جب میں کچھ دن بعد وہاں پہنچوں گا تو دونوں ٹیموں سے مضبوط نہیں رہوں گا۔

Comments





Source link

Leave a Reply

Your email address will not be published. Required fields are marked *