’عمران خان چور ڈاکوؤں کو عدالت لے کر جاتے ہیں جہاں ان کی ضمانت ہوجاتی ہے‘


صاحبزادہ جہانگیر نے لندن میں ایک تقریب سے خطاب کیا: ویڈیو اسکرین گریب
صاحبزادہ جہانگیر نے لندن میں ایک تقریب سے خطاب کیا: ویڈیو اسکرین گریب

لندن: وزیراعظم کے مشیر صاحبزادہ جہانگیر نے کہا ہےکہ وزیراعظم عمران خان چور ڈاکوؤں کو عدالت لے کر جاتے ہیں جہاں ان کی ضمانت ہوجاتی ہے۔

لندن میں تقریب سے خطاب کرتے ہوئے صاحبزادہ جہانگیر نے کہا کہ عمران خان جتنا کرسکتے ہیں کررہے ہیں، وہ چور ڈاکوؤں کو عدالت لے کر جاتے ہیں جہاں ان کی ضمانت ہوجاتی ہے، چور ڈاکو، ایجوئیر روڈ اور پارک لین میں اپنے محلوں میں چلے جاتے ہیں، ایجوئیر روڈ سے پارک لین تک حکمران، چور ڈاکو رہتے ہیں۔

انہوں نے کہا کہ آصف زرداری، نواز شریف اور یوسف رضا گیلانی ان میں بیٹھے ہوئے ہیں، جہانگیر ترین سے بھی کہا گیا تھا کہ الزامات کا جواب عدالت میں دیں، جہانگیر ترین نے بغاوت کرتے ہوئے 40 افراد کا گروپ بنالیا۔

صاحبزادہ جہانگیر کا کہنا تھا کہ ہمارا جہاز طوفان میں پھنسا ہوا ہے، اس کو طوفان سے نکالنا ہماری مشترکہ ذمہ داری ہے۔



Source link

Leave a Reply

Your email address will not be published. Required fields are marked *