معین خان کا سرفراز احمد کو اہم مشورہ


قومی ٹیم کے سابق کپتان معین خان نے وکٹ کیپر بیٹر سرفراز احمد کو بیٹنگ آرڈر تبدیل کرنے کا مشورہ دے دیا۔

تفصیلات کے مطابق سابق کپتان معین خان نے سرفراز احمد کے ٹیم میں کھیلنے سے متعلق خیالات کا اظہار کرتے ہوئے کہا کہ ہر کھلاڑی کو سمجھنا چاہیے کہ بغیر کارکردگی کے کم بیک ممکن نہیں ہے۔

معین خان نے کہا کہ سرفراز احمد ہمیشہ بہترین آپشن رہے ہیں، انہیں اپنا بیٹنگ نمبر تبدیل کرنا پڑے گا تاکہ اوپر کے نمبروں پر کھیل کر رنز اسکور کرسکیں۔

انہوں نے کہا کہ سرفراز کے کیریئر کے لیے پاکستان سپر لیگ (پی ایس ایل) کا سیزن سیون اہم موقع ہے وہ کارکردگی دکھائیں اور ٹیم میں واپس آجائیں۔

معین خان نے اپنے صاحبزادے اعظم خان سے متعلق کہا کہ خواہش ہے کہ پی ایس ایل میں اعظم خان وکٹ کیپنگ کریں۔

انہوں نے یہ بھی کہا کہ قومی کرکٹ ٹیم اب اچھا پرفارم کررہی ہے، ٹی20 کرکٹ میں اعظم خان پی سی بی پلانز کا حصہ ہیں۔

واضح رہے کہ سرفراز احمد گزشتہ کچھ عرصے سے ٹیم کے ساتھ ہونے کے باوجود پلیئنگ الیون کا حصہ نہیں ہیں، محمد رضوان کی عمدہ کارکردگی کی بدولت ان کو ٹیم میں جگہ نہیں مل پارہی ہے۔

بنگلہ دیش کے خلاف ٹی 20 سیریز کے آخری میچ میں سرفراز احمد کو موقع دیا گیا تھا لیکن وہ خاطرخواہ کارکردگی نہیں دکھا سکے تھے۔

Comments





Source link

Leave a Reply

Your email address will not be published. Required fields are marked *