خاتون کو ہراساں کرنے کا الزام، کے ایم سی کے اعلیٰ افسران معطل –


ایڈمنسٹریٹر کراچی نے خاتون کو ہراساں کرنے والے 17 گریڈ کے افسران کو معطل کر کے تحقیقات کا حکم دے دیا۔

اے آر وائی نیوز کی جانب سے نالہ آپریشن کی متاثرہ خاتون کو ہراساں کیے جانے کا معاملہ اٹھایا گیا تھا، جس پر ایڈمنسٹریٹر کراچی مرتضیٰ وہاب نے نوٹس لیا اور واقعے میں ملوث دونوں افسران کو فوری معطل کردیا۔

اےآروائی نیوز نے تجاوزات آپریشن میں خاتون سے رشوت لینےکی خبرنشرکی تھی۔

کے ایم سی حکام کے مطابق گریڈ17کےعارف قاضی ڈائریکٹر کچی آبادی اور مسروراقبال کے ایم سی انکروچمنٹ ضلع ایسٹ میں بطور ڈپٹی ڈائریکٹر تعینات تھے۔

ایڈمنسٹریٹر کراچی نے افسران کی معطلی کےساتھ ہی تحقیقاتی کمیٹی بھی تشکیل دے دی، جس میں سینئرڈائریکٹر لا ڈیپارٹمنٹ، فنانشل ایڈوائزر کے ایم سی ، ڈائریکٹرعرفان سلام سمیت دیگر افسران شامل ہیں۔

کمیٹی کو ہدایت کی گئی ہے کہ وہ پانچ روز میں معاملے کی تحقیقات مکمل کر کے رپورٹ پیش کرے۔ ذرائع کے مطابق مرتضیٰ وہاب نے ملوث افسران کے خلاف شفاف تحقیقات اور ملوث ہونے پر سخت کارروائی کی یقین دہانی کرائی ہے۔

Comments





Source link

Leave a Reply

Your email address will not be published. Required fields are marked *