کیویز نے دورہ پاکستان کیوں ادھورا چھوڑا؟ انٹیلیجنس دستاویزات جاری


آکلینڈ: کیوی ٹیم نے دورہ پاکستان کیوں ادھورا چھوڑا؟ نیوزی لینڈ میڈیا نے سارا کٹھہ چھٹہ کھول دیا۔

تفصیلات کے مطابق کیوی میڈیا نے نیوزی لینڈ کرکٹ ٹیم کا دورہ پاکستان چھوڑ کر جانے کے حوالے سے حکومت کی انٹیلیجنس کے دستاویزات شائع کردئیے۔

کیوی میڈیا کے مطابق نیوزی لینڈ کی وزارت خارجہ دورہ پاکستان کے خلاف تھی، دورے کو ملتوی کرانے کے لئے حکومتی انٹیلیجنس کو فائیو آئی کی جانب سے ٹیم پر حملے کی اطلاع دی گئی۔

کیوی میڈیا نے دعویٰ کیا کہ دورہ پاکستان پر تحفظات جولائی میں ہی شروع ہوگئے تھے۔

واضح رہے کہ کیوی ٹیم نے سترہ ستمبر کو سکیورٹی الرٹ ملنے پر پاکستان کا دورہ ختم کر کے نیوزی لینڈ واپس چلی گئی تھی۔

نیوزی لینڈ حکومت نے راولپنڈی میں موجود کیوی کھلاڑیوں کو ہدایات جاری کی تھیں کہ سکیورٹی خطرات کے باعث وہ ہوٹل سے نہ نکلیں۔

وفاقی وزیر داخلہ شیخ رشید کے مطابق نیوزی لینڈ کی وزیرِ اعظم کا کہنا تھا کہ سیکیورٹی کا کوئی خطرہ نہیں البتہ انہیں یہ اطلاع ملی ہے کہ ٹیم گراؤنڈ سے باہر نکلے گی تو اس پر حملہ ہو سکتا ہے۔

اس دورے میں نیوزی لینڈ نے پاکستان میں تین ایک روزہ میچ اور پانچ ون ڈے کھیلنا تھے، یہ میچ راولپنڈی اور لاھور میں منعقد کیا جانا تھے۔

Comments





Source link

Leave a Reply

Your email address will not be published. Required fields are marked *