آر بی آئی نے بینکوں کے لیے ’کے وائی سی‘ کی تجدید میں مارچ 2022 تک توسیع کر دی


ریزرو بینک آف انڈیا (آر بی آئی) نے بینکوں کے پرانے صارفین کی تفصیلات کو وقتاً فوقتاً اپ ڈیٹ کرنے کے لیے کے وائی سی رہنما خطوط میں نرمی میں 31 مارچ 2022 تک توسیع کر دی ہے

آر بی آئی، ریزرو بینک آف انڈیا / تصویر آئی اے این ایس
آر بی آئی، ریزرو بینک آف انڈیا / تصویر آئی اے این ایس
user

Engagement: 0

ممبئی: ریزرو بینک آف انڈیا (آر بی آئی) نے بینکوں کے پرانے صارفین کی تفصیلات کو وقتاً فوقتاً اپ ڈیٹ کرنے کے لیے کے وائی سی رہنما خطوط میں نرمی میں 31 مارچ 2022 تک توسیع کر دی ہے۔

یہ فیصلہ کووڈ کی نئی قسم کی وجہ سے بڑھتی ہوئی غیر یقینی صورتحال کے وقت صارفین اور بینک ملازمین کو پریشانیوں سے بچانے کے لیے لیا گیا ہے۔ آر بی آئی نے 25 فروری 2016 کو بینکوں کے لیے اپنے موجودہ صارفین کےکے وائی سی کو وقتاً فوقتاً اپ ڈیٹ کرنے کے لیے ایک جامع ہدایت نامہ جاری کیا تھا۔ اس میں اگر کے وائی سی کی باقاعدہ وقفوں پر تجدید نہیں کی جاتی ہے تو صارف کے اکاؤنٹ کے آپریشن پر پابندی لگانے کا التزام ہے۔

مرکزی بینک نے کورونا کی دوسری لہر کے درمیان 5 مئی 2021 کو 31 دسمبر 2021 تک اس میں نرمی کی تھی۔ جمعرات کو آر بی آئی کی طرف سے بینکوں کو جاری کردہ سرکلر میں کہا گیا ہے، کووڈ-19کے نئے ویرینٹ کی وجہ سے موجودہ غیر یقینی صورتحال کے پیش نظر (5 مئی کے سرکلر) کے تحت فراہم کردہ التزام کو 31 مارچ2022 تک بڑھا دیا گیا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔




Source link

Leave a Reply

Your email address will not be published. Required fields are marked *